Political Poems

Jhoot ki seedi

Jhoot ki seedi chadte chadte kahan tak pahunch paooge tum
sach ki rah par chalte chalte coti tak pahunch jaooge tum

Rang Sach ke, phool bhi sach ke,
Gulshan sach ka sajaa tu man mein
sach ka bol bala tu banja
jhoot ko nikal de tu man se
sach ka roop, anup swaroop
phir voh sacha iswar paooge tum

kan kan se phir uthi jo aarzoo
kahegi voh
jo kaha tha tune voh ban gaya tu
kahega man tujhse phir aake
main hara aur jeet gaya tu
bahar failagi tan man mein ek
shudhi karan sang naach uthoge tum

pair rakhoge jahan bhi tum
voh patthar tumhe khush hoga dekhkar
baithoge jahan bhi tum, 
voh kursi tumhein khush hogi dekhkar
sooge khaooge piyoge jo bhi
sabhi se khushi paooge tum

jhooth jo bolega voh khayega maar
kaatega use kaala kavva sau baar
phir teek na ho vo kisi goli yaann injection se kyonki
sab usse honge naaraz, 
aur hamesha unse photega angaar
koi na hoga humdard ai jhoothe
bilkul akele rah jaooge tum

Kisse Kisne Dekhe

Kisse kisne dekhe, kisse kisne jaane
samajh sake na koi, voh jo the purane

sohni maiwaal jaise premi , aaj kahan hai milte
unke jaise pyaar ke phool, aaj kahan hia khilte
Pyaar karna aata nahin bas bante hai deewaane

pyaar kahan do bhaiyoon mein aaj Ram Lakshman saa

Nafrat ki aandhi mein rahkar, bartav karte dushmanoon saa

dekhkar aise nazare, dil lagta hai rone

Saath patni ka kahan aisa, jamane mein aaj kal

Seeta jaisi naar hi is, rishte mein sabse awaal

Naam ka hai naata bas, aata nahin nibhane

Maan putra ke kya kahane, yah toh sadiyoon se sidhh hai

Kausalya ram, yashoda shyaam ke kisse bahut prasidh hai

Baahar se ye kahlata mahan, andar se sabhi hai begaane

Raja kya rajneeti kya, yaha to sarhasal gundagardi hai

sare ke sare corrupt , corruption ne had kardi hai

raghupati raghav raja ram se, kaon gayega yahan gaane

Dostkaho ya kaho dushman, aaj kahan hai sache

ik pal mein hi dete dokha ,vaade hai inke kache

Karan jaise hai dost kahan, aaj zamane mein sache

dosti sirf hai matlab ki, dast sabhi hai jhoothe

dushmani ka dhoova bas bad raha, aaj kal ke zamane mein

choti si baat par log utar aate, khoon ki nadiyaan bahane pe

dushmani jaa rahi badti, dost lage hia ghatne

Bada kaaran in baaton ka, voh hai bas ik antar re

voh tha satyug, yeh hai kalyug, baki sab samantar re

yugon ka sirf hai faasla do, inmein badal gaya kitna insaan re

jaanwar se bhi gaya hai guzra, insaan se ban gaya hawan re

majboori ke kaaran ye, bhagwan ko bhi maar dale

shaitaan bhi darta ishwar se, ye to unse bhi bhayanak aur kaale

kaisa hoga is jahan ka roop, aage chalte chalte

jaan lo abhi hi varna, rah jaoge haath malte

devta bhi baste hia aaj, is zulmi samaj mein

taaleem unse lo thodi, aur dhal jaoo ache insaano mein

aisa na ho jaage tabhi, jab lage devta khone.

Mazdoor
Mazdoor ae mazdoor
tera kaam kitna khoob
yahi batane pesh hova hoon
aapki khidmat mein hazoor !

kisan dharti par janhat phailata hai
khud bookha rahkar auron ko khilata hai

he bhagwan! kaisa hai tere
jeevan ka dastoor
Aise hote hote yeh pratha

Ho gayi hai nasoor

Mazdoor .......

Julaha khoon pasina ek kar boonta kapde hazaar
khud na voh pahenkar bhej deta unhe bazaar
hai! tune kitna kasht kiya
khud aape se majboor

Fir bhi tu karta 

sabke dukhre door
mazdoor.....

kariya shram karte karte bana deta anekon makaan
uske liye jhopdi mein rehna tum mat samjho aasaan
aasman ko chat bandke sona tera naseeb
phir bhi na tune choda
swabhumaan aur garoor

Tu hai is Desh ke

Pratinidhiyoon ka noor

Mazdoor ......

Manzil hai pass teri, dilhi nahin hai door
Kahe 'Kaanu" dheeraj dharoo, tumhein hak milegaa zaroor
kyonki tera ismein koi nahin ai kasoor
Tera kaam tera naam saari duniya mein mashhoor
Mazdoor

Hum

Hindu aur musalmaan dono se

Pahela akshar nikaliye

"Ha" aur "Ma" ko jodkar tum

"Main" se "Hum" ban jayeeye

"Hum" ko talwaar banakar tum

"Main" ko kat daliye

"Hum" se roshni dugni karke,

"Main" ka andhera mitayeeye

Sikh jo Seekh de gaye humko, 

Voh seekh tum bhi seekhiye

"Hum" sab ek hai yeh jaankar tum 

ab "Hum" ko apnayeeye

Ieesaae aise hi na kah gaye humse,

yah baat hai pate ki samjho tum

"Main" keechad se nikal aaoo aur, 

"Hum" ke phool sajaoo tum

"Main" ka silsila khatm karo ab

"Hum" se naata jodo tum

"Hum" hi dega saath tumhaara

"Hum" ko hi aage badaoo tum

"Hum" ki boli itni pyaari,

sab ko tum sunana zaroor

Isse kabhi na bhagna door,

Chahe heere mile ya kohinoor

Fir hoga ik naya savera,

jo dega tumhe badhayeeyaan

Koyal kookegi dur ek hi lekar

Jo kahega khusaamdiyaan

Fir hoga mahsoos ik aanand,

Jab milegi tumhe badhaeeyaan

Saare jagse sab logon se,

Milegi tumhe jab khusheeyaan

Gulshan

Gulshan jo ujad gaye

vo gulshan kaun sajayeega

vo phool vo kaliyaan jo tuti

kaun unhein sawarega

Mandir mazjid ka peet dhidhora

jaan jinki gayi beech mein

khooni ban baitha hai jo

voh saza kaise payeega

pyaar ki ganga bahane wale

un Ram Rahim ko yaad karo

Lad jhagad kar aapas mein unki

santaan kaun kahalayegaa

Banegi apni baat

Jab subah suhani aayegi

rang naye bhikhrayegi

khatm hogi voh bhayanak raat

tabhi banegi apni baat

Goliyaan na chalani ab

khoon na bahana ab

pyaar ki bikhregi saugaat

tabhi banegi apni baat

Voh dekho kaise lad rahe

dharm ke naam mit rahe

bas karo yeh jaat v paat

tabhi banegi apni baat

Goli maar chupa hai jo

bombs aur scams hove hai jo

karin unki tahkikaat

tabhi banegi apni baat

bharat varsh bat raha

apne hi hathon kat raha

milkar hum chaleinge sath

tabhi banegi apni baat